من أيام زمان
كتبهاbara2a shamayleh ، في 27 حزيران 2007 الساعة: 20:51 م
رياضة فن مهني
هذا الثلاثي المرح الذي كنا ننتظره في برنامج المدرسة الاسبوعي بفارغ الصبر…
كوني درست في مدرسة ابتدائية جد متواضعة في الزرقاء فان هذه الحصص كان لها دلالات عميقة في نفوسنا من التدريب اللاأكاديمي ..وتربية البدن و الحس الفني .. و التدبير المنزلي كوننا أمهات المستقبل, خذلك مثلا:
رياضة:تعني هذه الحصة "و خصوصا اذا كانت الحصة أول الدوام" تعني تنظيف المدرسة مع الاذنة ,شطف الدرج و الممرات.. لأن كل بنت بتساعدها لها 5 علامات على ذمة المعلمة المخلصة ..بعد التنظيف كنا نلعب في ما تبقى من الوقت وهو في الأصل 35 د}قلتلكم المدرسة متواضعة{ليلى يا ليلى ليش عم تبكي؟أو فنجان, اذا حدا من القارئين الكرام سامع فيهم…
فن : كانت هذه الحصة الخاصة تأتينا فيها معلمة فاضية اشغال تبحث عن كنز مفقود داخل من منخريها ..لم تجده الى نهاية العام..كانت ترخي شالتها على كتفيها و بين الحين و الاخر تسمعنا ضجيج صوتها :ولك اخرسي صوتك وصل للادارة ..كملي الرسمة بدي أستلمها آخر الحصة..و تنتهي الحصة :الحصة الجاي بستلم الرسمات.. و هي تعتقد أن صاحبات الأصوات –أي نحن-بنرسم على الورقة الممزوعة من دفتر التعبير .. كنا نلعب نبات حيوان جماد …أو فواكه أو حاكم جلاد,و تأتي الصرخة اثر حكم قاس توقعه بنا المسطرة(أم ال30 سم).
مهني : بين قو سين أكل.. كانت حصة التبولة أو الهريسة .. و اطعام المعلمات شغل معلمة المهني-أقصد شغلنا-.
ليس هذا وحسب بل ان فوائد هذه الحصص تتعدى الى الامتحانات فتوضع امتحاناتها بين الامتحانات المهمة وهي هنا=غيبي و ادرسي منيح للرياضيات …طبعا كانت تفهم دون كثير شرح من المعلمة…
بالنهاية كانت العلامات توضع بعد النظر في شهادة الطالبة فان كانت علاماتها عالية كانت علامة هذه المواد كذلك وللراسبة علامات متدنية…ما أجمل أيام زمان..
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 27th, 2007 at 27 يونيو 2007 11:34 م
براءة صار عندي فضول اعرف لعبة فنجان؟
شو هاي…
يونيو 28th, 2007 at 28 يونيو 2007 8:55 م
بسم الله ..
اللعبة باختصار زئيطة..لكن عندما يكثر اللاعبون تصبح فنجان ..”فنجان” كلمة يقولها اللاعب عندما يقترب منه الزئيط وهي كلمة حمايه يعني ما بقدر يمسكه وهو “مفنجن”..لكن يجب للمفنجن أن يبقى بلا حراك “صنم” ويرفع يده على هيئة انسان ماسك فنجان….الى حين يضربه لاعب آخر على يده عندها يتحرر و يمكنه الركض و يمكن للزئيط أن يمسكه ..الجمال في اللعبة هي الخطط التي توضع لتحرير المفنجنين…
واسأل اخوانك يمكن بعرفوها..احنا دايما بنلعبها بحائق الحسين ..هناك الكثير من الناس أيضا يلعبونها..
و السلام عليكم
يونيو 30th, 2007 at 30 يونيو 2007 2:21 ص
شكرا يا براءة على التوضيح
بس اذا كل ما الزئيط اجا بدو يزقط واحد و راح المزقوط مفنجن عمره ما بيزقط حد؟
حسن
يوليو 1st, 2007 at 1 يوليو 2007 12:38 ص
في اللعبة الذي يكثر من الفنجنة يعتبر جبانا فالشطارة في اللعب و المراوغة و الفنجنة في وقت الأزمات…
و الزئط الشاطر يكتشف الخطط التي يضهها اللاعبور لتحرير المفنجن…و يبقى حول المفنجن يحاول مسك كل من يحاول التحرير…وهكذا حتى يحاصر الجميع…
في حال أن الجميع فنجن فان ىخر واحدفنجن هو من ينتقل اليه دور الزئط..كونه خان أصدقاءه و لم يحررهم ..وهذا نادر الحدوث..
براءة
يوليو 2nd, 2007 at 2 يوليو 2007 5:51 م
احسن شي الرياضة و بالذات الفطبووووووووووووول
دمت بخير تفضلي بزيارة مدونتي
يوليو 5th, 2007 at 5 يوليو 2007 1:20 م
سيدتي براءة :
الله يعطيك العافية و الله رجعتيني 10 سنين للوراء و فعلاً و صفت اللي كان يصير بكل براعة و صدق… و الله أيام حلوة الله يعيدها مع إني كنت أكره المدرسة… طبعاً مثل كل الطلاب… تحياتي لك و إلى الأمام ….
فائق الإحترام.
يوليو 5th, 2007 at 5 يوليو 2007 8:10 م
أشكرك سيد محمد الذكريات الجميلة لا تنسى و خاصة المميزة منها كحصص”الرياضة و الفن و المهني”..
يوليو 5th, 2007 at 5 يوليو 2007 8:40 م
سيدتي براءة :
أحلى إشي حصة الفن… لأنه مية بالمية هادا اللي كان يصير ، أستاذ فاضي أشغال و مو تخصصو فن أصلا و ما بميز بين تلوين الخشب و الفلوماستر ، يلا يا شباب اليوم بدنا اياكم ترسمو رسمة عن الطبيعة ، الله وكيلك فش غير هالطبيعة ، طبعاً الرسمة عند كل اولاد الصف عبارة عن بيت كوخ طبعاً لا يمت للكوخ بأي صلة و بيشبه علبة الكبريت أكتر ، و بعدين في الخلف أكمن جبل لونه أخضر ، و آخر اشي لا بد منه طبعاً عشان تكتمل الرسمة… نهر أزرق بشبه سيل الزرقا ، طبعاً هادل الحكي للي كان يرسم… يعني أكيد مش أنا… أما اللي ما كان يرسم فا زي ما حكيت نبات حيوان جماد أو حاكم جلاد أو راجع للدرج الأخير و نايم بسابع نومة…. أيام….
فائق الإحترام .
يوليو 5th, 2007 at 5 يوليو 2007 9:21 م
راحت هذه الأيام و اجت أيام الcalculusو الاستاتيكا و الميكانيكا …
الله بعين…ولا ليش بتذكرها .. لأني اكتشفت انها أحلى أيام حياتي
يوليو 6th, 2007 at 6 يوليو 2007 8:50 ص
ما شا الله عنك يعني نقلت صورة الاف من طلاب المدارس وخصوصا في الزرقا…
صحيح ان الواحد المجتهد ما بحب حتى لو كانت حصة عادية تروح عليه بأشياء فاضية ولكن احياتا بحب هاي الحصص لأشياء يمكن احنا عملنا غير ما حكيت فاحنا بنضل نحكي من كل المواضيع كمان اذا في مشكلة بين بنات بندخل وبنحل المشاكل صرنا ننزل عالنت لما ما يكون في حصة..
لا شك انها رح تصفي ذكريات بس والله ذكريات حلوة..
بكرة واول ما نصير توجيهي خلص ببطل في مجال نرتاح بالاستراحة اصلا بنسير طول وقتنا حاملين الكتب والله يسرها لهديك الايام…
اشكرك على زيارتك اللطيفة فعلا لفت انتباهي تعليقك ممكن نتواصل عالاميل عشان اتعرف عليك اكثر؟؟
والله يجزيك الخير…
براءة أم مصعب..
يوليو 6th, 2007 at 6 يوليو 2007 9:30 م
ألف شكر يا بوبو …أسعدتيني لأنك من بنات الشهرين على كل ايميلي على الياهو في المعلومات خاصتي على المدونة …أهلا و سهلا بك بأي وقت و ع المسنجر كمان..
أنا ع كل من سكان عمان -خلدا-بس بروح ع الزرقا كتير ..اذا بدك كمان بشوووفك…
المحبة جدا …براءة
سبتمبر 1st, 2007 at 1 سبتمبر 2007 9:05 ص
انستي…
كاني اجلس الان في الصف السابع الاساسي في غرفه الفن…بس انا مدرسنا كان اشطر شوي لانو وجد الكنز اللي كان يدور عليه…بس اكيد راح يحفروا غيره…
الرياضه … فرصه للتعرف على اوساخ الساحة…و برضوا يمكن تلاقي شلن ولا بريزه عندها كل المدرسه بيصير وقع منها..على السكت…
المهني…يا ريت لو كان في طبيخ…هاي كانت فرصه للاستاد يوداني على الكوى اجيب الاواعي و اوديها على بيتوا…واثق في الاخ لاني شاطر…في هاي الحصة بالدات كان نفسي اكون كسلان بركي حللللللل عني….و باقي الشباب ..انسخ الدرس و بجرب صوته باكم من مسبه جديده و حقوق الاختاع اله طبعا…الله يرحم ايام زمان…
المدرسه على علاتها كانت احلى عندي من الجامعه…
استاتيكا حلوه و الديناميكا كمان …بس اللي بعده احلى …استني و راح تشتاقي كتير للمدرسه
سلام
احمد ….الاردن….التكنو سابقا
بالمناسبه…ممر ال A2 ياما شوفنا فيه ليالي سودا
سبتمبر 1st, 2007 at 1 سبتمبر 2007 11:34 ص
حلو كتير كلامك أنا بحب أرجع الناس لذكرياتهم الجميلة..
بمدرسة أخوي المدرس بوديهم يشترولوا دخان ..أو ساندويش فلافل..أو يبعتوا ع البيت يجبلوا الشاحن..
بس ما فهمت كيف ممر كليتنا كان في ليالي سودا؟؟؟
ايش درست و أي سنة تخرجت؟؟
bara2a
سبتمبر 2nd, 2007 at 2 سبتمبر 2007 7:44 ص
بتعرفي اكيد الوقت اختلف شوي و ابداع الاساتده عنا ما الو حدود….تدكرت شغله..كان استاد العلوم يبعت واحد يشتري بطيخ عشان يفطروا مع الجبنه و الشاي في المختبر اللي كان بس يفتح عشان هيك بس…..
انادرست هندسه ميكاترونكس (ميكانيك في التكنو) تخرجت في 2005
المحاضرات اللي كنا ناخدها هناك زي طلاسم ايليا ابو ماضي …و اغلبها من هندسه الحاسوب و الكهرباء…..اما الامتحانات فيا سيدي … كانه المسلخ فتح فرع في A2 في هداك اليوم…و اشي بينحكى و اشي ما بنحكى ….
بس سؤالي لسه الشباب و الصبايا قاعدين في نص السكوير و فاردين اللوحات تبعتهم و لا غيروا هالعادة؟؟؟
احمد …الاردن
سبتمبر 2nd, 2007 at 2 سبتمبر 2007 7:14 م
سلام عليكم..
أي نعم .. يا سيدي و أنا وحده منهم..
بنرسم و بنلون بالسكوير..
و هلأ مع التكنولوجيا ..صارت اللاب توبات .. مهو صار في ويرلس بكل الجامعة…
ابسر العمارة كيف كانوا أيامكم؟؟؟
دلعين و مايعين ..؟؟شباب ما بتقول عنهم الا بنات…بس الله بعين و الله يصبرني على هيك تخصص و هيك قسم..
شكرا جزيلا..
سبتمبر 3rd, 2007 at 3 سبتمبر 2007 7:21 ص
و عليكم السلام….
طيب هيك طمنتيني على مستقبل الشباب في العمارة…يعني ما في حدابيبور بعد التخرج…و على العموم اهون من ال C
ويرلس…ما شاء الله…و اكيد صار التلفريك محل الباصات…
اكيد ما تغيروا كتير بس الموضوع ما بخلا….كونا لما نروح على العمارة نزل اعلان للشباب انا في كوكب زمردة …. و في النهاية سنين بتمشي و بتصير دكريات ….ويرلس…احنا كنا نستخدم تلفون ابو خيط…^_^
و دمت…
احمد …..الاردن
نوفمبر 9th, 2008 at 9 نوفمبر 2008 3:08 ص
مررررررررررررررررررررررره نايس الخاطره
بس انا طالبه مدرسه ويا ريت تفيدوني بخاطره تكون غير مشهوره علشان المعلمه ما تعرف انها من النت والف شكر على خدمتكم
ديسمبر 6th, 2008 at 6 ديسمبر 2008 11:08 ص
احى شي ايام زمان مهب
ا